وعدے جھوٹے قسمیں جھوٹی
دنیا کی سب باتیں جھوٹی
کھینچی ہیں جو سچے دل سے
وہ بے نام لکیریں جھوٹی
اس کی آنکھیں بول رہی ہیں
سب خوش رنگ شبیہیں جھوٹی
امن کے سارے سپنے جھوٹے
سپنوں کی ساری تعبیریں جھوٹی
ہم نے جن کو سچا جانا
نکلی وہ سب باتیں جھوٹی
آج ہمیں معلوم ہوا ہے
گزرے کل کی یادیں جھوٹی
دیکھو کان نہ دھرنا ان پر
دل کی سب آوازیں جھوٹی
بس اک پیار کا بندھن سچا
اور بقا سب رسمیں جھوٹی
بقا بلوچ
No comments:
Post a Comment